يابهيه كيفك
وكيف ياسين
مليح....
وكيف عيونك
بيقلولي دبلانين
من البكاء يابهيه
ولا من غدر السنين
ولا فراقه كسر جواك
كتر الحنين
يابهيه كلنا
يمكن ياسين
يمكن أكتر
مين فينا ينسي
اللي خانك
قلب الخسيس
يوم ماباعك
بالرخيص
اللي فاكر
انه كان في يوم
ونيس
معلش يابهيه
طلع ابن كلب
ديب ابليس
واللي دفع التمن
غالي
نقول أمين
والر حمه ماتجوز
غير علي ياسين
واحنا برضه
لسه جنبك
مين راح يسيب
لحمه ياناس
ده احنا نفديك
بكل غالي
يابهيه
انت الونس والناس
انت الدرب القديم
والحاره والدوار
انت الزاد
والزاده والزوار
انت الامل لينا
انت مهما بكينا
بتحضنينا
هوضحي يوم عشانك
واحنا لسه بنضحي
الكتير
انت مش شايفه ولادك
يابهيه
كل يوم رقاب تطير
لأجل تعيشي يابهيه
ياغنيه
ياهنيه
ياقبلة العاشقين
هو حد منا ينسي
دمك ياياسين ......
محمد حلمي .......مخرج مسرح وشاعر٢٠١٦/١٢/٨
ليست هناك تعليقات:
إرسال تعليق